Diahuebs pa 1:25 am a bati alarma na polis pa un señora cu a yega su cas na Tanki Leendert cu 2 tiro. Ta dos dia sigui cu polis ta hay’e confronta cu tiramento, specialmente den areanan di club nocturno.
Casa di e señora a conta polis cu su señora tawata pasando banda di Cas Casuela den auto. Na dado momento e ta sinti un impacto den su auto y despues e ta mira sanger na su curpa. Mesora el a core bay su cas for di unda el a yama Polis, conta su casa y di biaha a bay hospital pa tratamento.
Na hospital a constata cu e señora tin dos perforacion di bala. Mesora a pidi pa departamento di recherche y polis forensico pa start cu un investigacion.
Pa Cuerpo Policial por resolve mas caso, cooperacion y informacion di pueblo di Aruba ta hopi importante. Pesey polis ta pidi si bo tin cualkier informacion, pa bo yama e tiplijn: 11141. Ta garantisa cu bo ta keda anonimo.
