Diadomingo ultimo, esta 27 di juni, Aruba Lions Club conhuntamente cu e Lionessnan y Friends of Lions a organisa un koffiemorgen cu tabata exitoso. Riba e dia aki comunidad di Aruba a pasa bishita Lions Den pa busca nan koffie cayente y a disfruta di sweetbox. E sweetbox a consisti di diferente bolo y cos dushi.
Aruba Lions, Lionessnan y Friends of Lions kier a tuma e momento pa gradici un y tur persona cu a logra haci e koffiemorgen aki posibel! Tur fondo recauda ta bay bek na comunidad di Aruba den un manera of otro door di contribucionnan. Tambe ta yuda esunnan cu menos recurso.
Si bo persona ta desea di forma parti di Aruba Lions Club of bira boluntario di Friends of Lions, por haci esaki door di tuma contacto cu e miembronan di Aruba Lions Club, bishita nan Facebook ‘Lions club of Aruba’ y website www.arubalionsclub.org.
