RampenBureau tabata tey presente na un entrenamento di Marina Real. Rino Hermans, kende ta hefe na Bureau Rampenbestrijding, a splica cu tur training multidisciplinario.
Rampenbureau ta mustra observacion riba dje y for di eynan, mirando e oportunidad cu Marina a pidi pa entrena un di nan teamnan cu ta den opleiding pa bay mas cerca di scenario cu ta posibel, tabata un oportunidad pa por a train e otro dienstnan tambe cu ta partner. Den cualkier incidente lo bay traha hunto. Eynan tabata tin algun competencia cu e dienstnan a haya pa por a evalua como rampenbureau y drecha unda tin cu drecha.
Logistica
Segun Hermans, pa e aña aki, e parti di logistica di training, ya tin un parti. Pa e entrenamento aki, Marinierskazerne a carg’e casi completo. Rampenbureau tabata tine parti mas chikito di logistica. E competencia di comunicacion y liderasgo den un scenario asina, ta loke a evalua awe mainta. Por a observa e training con cerca di realidad a hib’e y den futuro lo bay keda experencia trainingnan cu ta hopi cerca di realidad. Esey ta meta di Rampenbureau cu ta train su hendenan mas cerca di realidad. Ta gradici e comunidad cu a duna cooperacion. A molestia algun hende pa nan por a yega nan trabao. A cambia trafico mainta, pero e meta final ta pa brinda siguridad na e mesun pueblo Arubiano. Di parti di Rampenbureau y tambe e otro dienstnan, ta gradici pueblo di San Nicolas, cu a coopera grandemente.
Evaluacion
Hermans a splica cu despues di e evaluacion lo bay mira unda tin cu drecha, pa loke ta e competencia a evalua mainta. Mariniers lo husg e peloton cu ta den examen. Djey ta bin hunto como Land Aruba y Marina Real, con por sigui estrecha lasonan di cooperacion den cualkier eventualidad hopi grandi.
