Parlamento ta trata e Landsverordening Instelling Ministeries 2022 (LIM), cual ta e ley cu ta dicta cua minister ta encarga cu cua cartera. Durante e reunion aki lider di fraccion RAIZ a entrega un mocion cu ta pa parlamento mes y no gobierno.
Misha Raymond, lider di Fraccion RAIZ, a splica cu el a haci esey pa motibo cu tabatin un baymento y bin dje tempo di LIM, e contenido di LIM y dicon a trece tur esaki dilanti. Den parlamento tin e hermentnan cu por trece cambio con e procesonan ta bay y esey ta loke Raymond su mocion ta sugeri. E mocion cu su persona a entrega no ta pa gobierno sino pa parlamento mes. Esaki ta pa nan mes bin hunto, trata y traha riba un ley con nan por structura e LIM. Aki el a referi n’e tempo cu ta introducie, su contenido y por ta carga pa tur fraccion den parlamento. Pasobra tur fraccion ta representa un asiento di pueblo.
E parlamentario a lesa e rapport di Raad van Advies y nan a conseha contra e cantidad di minister. Pa su persona ta dificil bisa algo dje trabou specialmente cu tin tanto reto extra cu a bin dilanti, inclui esunnan cu ta bin cu landspakket. Trabou tin y ta hopi. Por bay na discuti e cantidad di minister, y si tabata shete mas consehero nan lo mester tin. P’esey pa su persona ta prefera di pone responsabilidad bou un minister y mira con ta sigui cu e trabou.
Pa un cobertura mas amplio lesa e edicion di TREMPAN di mañan.
