Parlamento ta tratando e ley cu ta regla e carteranan y haci nan por fin oficial di cada minister. Fraccion MAS tabatin varios pregunta. E parlamentarionan a trata e ley di Landsverordening Instelling Ministeries 2022 (LIM). Pa MAS coalicion no por a hustifica cantidad di minister,mientras cu esaki por ta menos.
Loke a resalta di awe pa lider di Fraccion MAS, unda el a haci pregunta debi n’e cantidad di ocho minister cu tin. Den su concepto mirando e circunstancianan cu Aruba ta den actualmente, por ta menos. drs. Marisol Lopez-Tromp a bisa cu henter un defensa grandi cu mester bay bek den tempo, esta minister a bay atras 20 of 15 aña pasa, con cos tabata den pasado bin bek den presente pa hustifica cantidad di minister.
E parlamentario a trece dilanti cu tin un situacion diferente desde minister presidente a firma 13 di november 2020 e acuerdo cu Hulanda, desde tin landspakket, desde tabata prepara ley di COHO. Desde e momentonan aki cu tin uitvoerings di landspakket, ehecucion di trabou, desde Aruba ta condiciona pa haya placa fo’i Hulanda. Por cierto esey ta para y awo tin un situacion diferente. Kiermen no por compara e situacion cu antes, hasta politico y minister tin menos libertad. Incluso ley cambia ta mishi cu e budget recht di parlamento.
Pa un cobertura mas amplio lesa e edicion di TREMPAN di mañan.
