For di momento cu e noticia a drenta cu Ski a wordo tira, un team di recherche a wordo activa. Esey tabata un marduga weekend siman pasa. E team di Recherche no a para keto y a pasa tur caminda den e area unda Ski a wordo tira.
Asina a acumula informacion pa yega na e sospechoso. A pone man riba un hoben R. Nortan di 18 aña. For di prome momento ya caba autoridad a informa nos redaccion cu nan lo no sosega y nan lo traha duro pa gara esnan cu por ta envolvi. Asina a yega na e sospechoso fam Nortan cu mester cuminsa cana e proceso di investigacion.
Silenciosamente e ekipo di recherche trahando riba e caso a pone man riba e hoben aki. Awor mester splica ta dikon a tira. Si tabata pa djis tira pa loco of a tira cu otro intencion pero a coy victima robez. Pueblo tabata pendiente pa e recherche pone man riba e sospechoso. Esaki a logra tambe. Cu e detencion aki ta otro prueba cu Cuerpo Policial no ta sosega. E siman aki lo tende mas di e trabou di e team y detencion di e sospechoso fam Nortan di 18 aña.
