Qredits Aruba y A.T.A. ta anuncia e ganadonan di e segundo edicion di SBA, Aruba Signature Experiences program. Pabien na Ryan Leliendal y Gianina de Freijtas di Dimondi y Nannelle van der Spil y Jerome van der Spil di Transition 2 Health!
Den e di dos edicion di ASE, e participantenan a sigui un programa di dies siman, unda nan a siña e aspectonan mas importante di ta un empresario exitoso den futuro. Cada persona a finalisa e programa cu nan propio plan di negoshi y plan financiero y a haya e oportunidad pa presenta esaki durante un pitch.
E enfoke di e Aruba Signature Experiences program ta (futuro) negoshinan cu ta atende specificamente na “niche markets”, cu ta encera e area di romance, bienestar y aventura. Ora ta scogi como un ganado, A.T.A. lo guia y asisti cada empresario cu un team di profesional pa yuda nan promove nan producto/servicio riba e mercado. E team aki ta consisti di professional content writers, social media advisors, videographers, photographers, y un niche consultant.
Qredits Aruba kier gradici A.T.A. pa su colaboracion den haci e programa aki posibel, y tambe kier gradici tur e participantenan pa nan dedicacion y esfuerso durante e programa!
