E siman aki Cuerpo Policial Aruba a haci diferente entrega di decreto gubernamental. Un celebracion un bez mas pa diferente persona cu a yega un etapa largo y exitoso den nos organisacion policial. Den presencia di Minister di Husiticia Andin Bikker, Altocommisario di Polis Andrew Hoo, famia, colega y amigonan presente a haci entrega di e decreto.
Un total di 9 persona a ricibi nan decreto cu ta varia di 25, 30, 40 aña y tambe promocion.
A celebra 25 aña di hubileo di Gabrielle B. Vis – Bedrijfsmaatschappelijke Werker. A sigui celebracion di 30 aña di hubileo di Jacgueline E. Morel – Senior Medewerker BIV; Mireilla N. Cabral – Specialist Centrale Post; Eric H. Barry – Coördinator JZP; Jose G. Lacle – Coördinator Communicatie Voorlichting & Preventie. Tambe 40 aña di hubileo di Sherman V. Libiee – Coördinator Centrale Post.
Y promocion di Vianney G.N. Coffie – di Agent 1ste klasse pa Brigadier. Jessysay A. Werleman – di Onderhoudsmedewerker B District III pa Onderhoudsmedewerker A,
Angel M. Quant – di Onderhoudsmedewerker B District IV pa Onderhoudsmedewerker A.
Pa celebra un etapa largo di 25,30 y 40 aña ta bin cu curashi, perseverancia y determinacion. Aruba por ta orguyoso cu nos tin agente policial educa y profesional cu ta sirbi nos pais. Masha Pabien na cada un persona cu nan hubileo y tambe na e personanan cu a haya nan promocion masha pabien!
Cuerpo Policial Aruba ta percura pa tin agentenan y personal administrativo cu ta eherce nan trabou na un nivel profesional. Comunidad por ta orguyoso di tin agentenan cu stima nan profesion y ta haci esaki cu hopi amor y dedicacion. Un cos ta sigur cu siguridad di Aruba ta semper na halto, cuida y protegi pa Polisnan educa y profesional.
