Diaranson a tuma luga un echo historico: pa prome biaha un yiu di tera ta huramenta como Presidente di Corte Comun pa Caribe Hulandes. Ta trata aki di mr. Mauritsz de Kort, cu como mucha a lanta den e bario di Pos Chikito. A hurament’e como e di binticinco Presidente di Corte Comun pero e prome Rubiano cu ta sinta riba e stoel importante aki den nos estado di derecho.
Much’i Pos Chikito
Mauritsz de Kort a nace dia 13 di augustus 1973 na Aruba, como un mucha di bario di Pos Chikito. El a atende Kukwisa Basisschool y despues a studia na Colegio Arubano. Su prome tres añanan el a bay Colegio San Nicolas (Actual Colegio Nigel Matthew) y despues el a bay Colegio na Playa. Ora el a caba su VWO na 1991, el a sigui su estudio na Hulanda, prome na Arnhem, caminda el a studia Management Economie & Recht y a finalisa esaki cu exito na 1995. Despues di esaki, el a bay Leiden, unda cu el a studia Bedrijfsrecht.
Esaki tambe el a caba cu exito. Ora cu el a caba cu su estudio, el a haya un oportunidad unico di bay Inglatera, pa haci un Postgrado na University of London. Mas cu claro, el a caba esaki tambe cu exito.
Bek na su isla
Na final el a dicidi di bolbe bek pa e islanan di Reino Hulandes. El a cuminsa traha primeramente na Corsou y despues Aruba. Tambe el a sigui pa e otro islanan, pa bolbe bek pa Corsou.
E trayecto pa bira hues
Despues cu el a termina su estudio na Hulanda y Inglatera, el a bin bek pa Caribe. For di 2000 te cu 2007 el a traha como abogado, tanto na Aruba, Corsou y St. Maarten.
Na 2007 el a cuminsa cu su Rayo-opleiding na Corte, unda cu el a sigui su estudio na Aruba, Corsou y Hulanda. Na 2011, a nombr’e como miembro di Corte y desde e tempo ey e ta trahando como den Corte Penal den Prome Instancia y Corte di Apelacion. Tambe el a fungi como Hues Comisario y Persrechter, entre otro. Como hues el a traha na St. Maarten, Boneiro, Corsou y St. Eustatius.
Na Corsou, el a cuminsa cu e trayecto pa bira hues, un trayecto cu a dura 4 aña. Como hues, e tabatin hopi interes pa e maneho di nan corte. Asina el a bin na remarca pa bira vice-presidente y miembro di management di Corte na aña 2017.
Durante e ultimo cinco aña el a gana masha hopi experencia den maneho di corte, den tur sentido di palabra. Claro cu e funcion ey ta banda di su trabou primordial como hues.
Pa un relato mas amplio, lesa bo TREMPAN.
