Awo, despues di un aña a sali un carta referente Ady Thijsen, caminda cu gobernador di Aruba a hala su atencion riba dje.
Parlamentario di fraccion di AVP, Arthur Dowers, a menciona cu realidad ta cu loke a bisa e tempo ey cu un bagamunderia nan a haci. Tin cu realisa cu prome minister Evelyn Wever-Croes, ta defendiendo e asunto aki, pasobra el a manda Ady hacie. Ady tabata sa masha bon cu loke el a haci no por, pero a mand’e hacie.
Mescos cu a tende ta bisa e prome minister dialuna cu e lo pasa un ley. E no por pasa ningun ley, sino mester propone un ley na parlamento, pa eyden por pas’e.
El a manda un señal bon cla na e ‘ja-knikkers’ pa no dobla y lo bin cu ley pa nan pasa. Mescos cu a haci cu Ady, p’e haci co’i bestia cu su curpa y awo ta bira defende.
Loke a tuma luga den parlamento ta un bagamunderia di marca mayor. A bisa e tempo ey den parlamento cu tin un ‘koninklijke weg’ si kier baha un minister y e moda cu kier a hacie, no tabata e manera.
Realidad ta cu Evelyn Wever-Croes ta sigui desacredita e miembronan di parlamento.
Pa un cobertura mas amplio lesa e edicion di TREMPAN di mañan.
