Riba nan prome dia di nan biahe pa Aruba, Dylan Delon (23) y Jules Conklin (22) a pasa hopi bon na Dragonfly Restaurant den Arawak Garden.
E analista financiero y e analista di mercadeo digital, a celebra e graduacion di Jules – e trip tabata regalo di graduacion di Dylan pa Jules. E dosnan aki ta di Raleigh, North Carolina y nan ta kedando na Hotel Bellhop.
Na Dragonfly nan a complace nan mes cu un Butterfly Grouper, Teriyaki Chicken, Chicken Pad Thai y green tea ice cream, nan faborito! “Nos gusta e servicio y e cuminda aki, e butterfly grouper y e green tea ice cream ta halto riba nos top ten list. E tempo ta absolutamente precioso – nos ta cla pa dia dos!” nan a bisa.
Pasa hopi pret aki, Dylan y Jules y nos ta spera di wak boso bek riba boso di dos biahe.
