Homber a causa problema na cas di su ex-pareha den caya Frere Arnold na Paradijswijk.
Diamars anochi un tiki promer cu 12:00 AM a bati, un dama a pidi pa presencia di Polis, pasobra su ex-pareha a bin na unda e ta biba y causa destruccion den e cas. Polis mesora a presenta na sitio. E dama a conta cu e tin problema cu su ex pareha cu no kier compronde cu e relacion a caba. Na momento cu polis a yega e ex-pareha a bandona e sitio caba.
A keda papia basta rato cu e dama, pero na final e dama tuma desicion cu e no kier entreha keho. Polis a bandona sitio.
