Dialuna atardi alrededor di 3:30 pm polis y brandweer a presenta cu urgencia na RBC Bank den Italiëstraat p’un alarma di candela. Ta e compania di siguridad a bati alarma p’un candela. Parce, debi na un problema cu coriente a pone cu e alarma di candela a activa.
Brandweer compaña pa polis y e compania di siguridad a controla den e edificio pero no a topa cu nada particular. E bomberonan tabata bisti den nan pack special cu tanki di oxigeno. Na final a controla rond di e edificio pero no a topa nada for di normal. Polis a documenta e sucedido y a sigui cu su patruya riba caya.
