Dialuna atardi alrededor di 2:00 pm a bati alarma p’un caso di ladronicia na Bloemond. Na yegada di polis dilanti di Bloemond Supermarket a topa cu un auto marca Nissan modelo Sentra color blanco, numera A-15272.
A topa cu un cantidad grandi di koper horta den e auto y un persona desconoci den e edificio. E edificio ta fungi mas bien como un centro pa warda material. No ta prome biaha cu ta bira victima di ladronicia.
Den pasado a yeg’i horta den oranan di marduga, pero ta prome biaha cu ta horta den dia.
A detene e homber cu a topa den e edificio. Ta deteni bou sospecho di ladronicia. Mayoria biaha ta horta koper pa djey bende na Daltra. A detenido a bay warda di polis den un transporte policial y a takel e auto pendiente investigacion.