Do it Center tin su evento di ‘Jingle Bells in July’. E fin di siman aki Do it Center a saca su decoracion- y luznan di Pasco. Awe y mañan tur hende por pasa y cumpra nan decoracion di Pasco, pero tin descuento riba nan.
Desde 8:00 am te cu 8:00 pm por pasa na Do it Center Camacuri pa mira e decoracion- y luznan di Pasco cu tin. Haciendo e Jingle Bells in July ta duna hende espacio pa cuminsa cumpra nan articulonan di Pasco na un super bon prijs.
Tur decoracion di Pasco tin un descuento di 50%, mientras cu e luznan di Pasco tin descuento di 30 y 40%. Awe henter dia por probecha cu e descuento aki, pasobra no ta haya e prijsnan aki ningun caminda mas.
Por haya diferente tipo di bala di kerstboom, luz y mas otro decoracion di Pasco. Tur esunnan cu ta buscando caba decoracion pa Pasco, por pasa na Do it Center, unda cu tur cos a cuminsa desde 8:00 am y ta bay te atardi laat.
Si bo ta buscando stand di kerstboom, Do it Center tin e di diferente tamaño. Lisanne Coffie, mercadeo di Do it Center, a expresa cu tur hende gusta decora cu luz durante Pasco sea nan cas of oficina, y awo ta haya e luznan c’un descuento entre 30 y 40%. E descuento aki bo ta haya awe y mañan, esta 29 di juli. Aki tur hende ta bay mira nan prijs original, pero di eynan ta kita e descuento.
E idea di Christmas in July, segun Lisanne Coffie, ta algo na otro parti di mundo ta celebr’e. Liesje a splica cu su famia mes ya caba a tene dinner di Pasco, unda nan a bini hunto y a cushina e cuminda tradicional di Pasco. Pa warda te cu fin di aña, e ta haya cu ta algo leuk pa hacie awo caba.
Bo ta buscando un pesebre pa pone bou di kerstboom? Pasa awe mes na Do it Center Camacuri y cumpra esun di bo, cu ta na 50% di descuento. Pasa awe y mañan na Do it Center Camacuri y busca bo decoracion y luz di Pasco. No warda pa december.
