Tabata un bay bin di palabra den parlamento diahuebs, ora cu varios parlamentario den oposicion a hala atencion di presidente di parlamento, mr. Edgard Vrolijk, kende den hopi ocasion ta duna su propio comentario despues di disertacion di e parlamentarionan.
Parlamentario Aquannette Gunn, miembro di fraccion di MAS a comenta cu e presidente di parlamento a yega di indica den un medio, cu presupuesto lo cuminsa trata presupuesto 2022 diaranson. E parlamentario Gunn a cita parti di e articulo cu ta bisa: “mi ta spera di por haya betoog riba nivel y no lesamento so di Raad van Advies”, e presidente a bisa e portal, sino e no a sirbi su meta tanto tempo pa studia bon.
Gunn no ta hay’e etico di un presidente di Parlamento, mucho menos no ta su competencia como presidente di parlamento, p’e por evalua un disertacion di un miembro di parlamento. Esey ta keda na cada 20 miembro den e caso aki pa dicidi con e ta hiba su disertacion.
Benny Sevinger, parlamentario di fraccion di AVP a comenta na final cu el a wak cu e presidente di parlamento a rabia. ‘”E ta gepikeerd”, el a bisa por ultimo.
Pa mayor cobertura lesa TREMPAN.
