Diamars anochi a tuma luga e Cena di Pasco di Brazil Taekwondo Stichting. Prensa tabata central na e Cena di Pasco y a wordo bon sorprendi.
Tabata tin sorpresa tras di sorpresa pa e miembronan di prensa presente.
Na luna di November Brazil Taekwondo Stichting a manda un mail pa prensa puntrando kende tur tabata kier a saca un potret hunto cu e team di Train Hard Fight Smart y un paar di miembro di prensa a reacciona.
Despues a desvia prensa y a pone nan tur para hunto cu e team y a entreganan nan regalo. Ora cu nan a habri e regalo nan a wordo sorprendi cu e potret cu a wordo saca na luna di November y cu a wordo imprimi ariba Aluminium.
Un bunita gesto cu no tin palabra cu a wordo haci di parti di Brazil Taekwondo Stichting, mustrando nan aprecio na Prensa.
Brazil Taekwondo Stichting kier a gradici Prensa: Diario, www.24ora.com, ITV, Time Out, Deporte den Accion di Tele Aruba, 297Sports, www.arubanative.com y www.awemainta.com pa nan presencia na e Cena di Pasco.
