Servicio Meteorologico (Meteo) Aruba, den nan boletin di awe Diadomingo 31 di december 2017 pa 5:00pm ta pronostica cu awe nochi shelo lo ta levemente te parcialmente nubla cu awasero breve den marduga y dialuna parcialmente te hopi nubla cu yobidanan local.
Temperatura:
Temperatura maximo lo ta 30 grado celsius y temperatura minimo 25 grado celsius.
Biento:
Biento lo ta modera for di direccion oost te noordoost, cu forsa di 3 te 4 (12 te 30 km/ora, 7 te 16 nudo).
Den dia basta fuerte te posiblemente fuerte den rafaga, cu forsa 5 te 6 (31 te 50 km/ora, 17 te 27 nudo).
Situacion general di tempo:
Den proximo 24 ora humedad lo ta suficiente na nivelnan mas abou di atmosfera y esaki lo causa hopi nubia temporalmente. Localmente algun awasero, den nan mayoria di caracter breve.
Condicion di lama:
Olanan di lama lo ta for di direccion oost cu haltura di 4 te 6 pia; e olanan di mas halto lo ta na costa noordwest di e isla. Ta pidi usuarionan di lama pa tene cuenta cu esaki. Temperatura di superficie di lama ta 26 grado celsius.
Pronostico di tempo pa proximo dianan di siman:
Parcialmente nubla cu chens pa algun yobida local. Biento lo ta for di direccion generalmente oost y modera te basta fuerte, posiblemente fuerte den rafaga. Temperatura max / min lo ta 30/25 grado Celcius.
Meteo lo emiti e siguiente boletin di tempo riba dialuna 1 di januari 2018 pa 5:00pm.
