Despues di basta speculacion, tiramento di palabra, awe mainta Minister Andin Bikker a anuncia riba su facebook cu e proceso di mediacion a duna resultado y cu paz ta reina bek entre partido POR y Minister Marisol Lopez Tromp.
E mandatario a skirbi riba e facebook lo siguiente: “Bon dia, mi ta informa cu a base di mediacion interno y den bienestar general a restaura e relacion di trabou cu colega sra. Marisol Lopez-Tromp, y tumando nota cu otro coleganan tambe a indica di lo ta dispuesto pa re-anuda e relacion di trabou y reunionnan di Ministerraad cu sra. Lopez Tromp, lo mi re-anuda mi participacion na Ministerraad desde awe en adelante. Asina hunto lo por sigui enfrenta e retonan sin precedente cu nos Pais ta traspasa den cuadro di entre otro e Covid-19 y e situacion di impasse cu Hulanda. God bless Aruba.”
Informacion cu 24ora.com a ricibi ta mustra cu berdad tabata yegando na un areglo, pero a keda pa saca un comunicado di prensa, pero esey no a sosode oficialmente ainda.
