Diabierna mainta Polisnan di Noord a bay duna asistencia na un cas na Tanki Flip. A drenta informacion cu tin un PitBull cu ta cana los y ataka hende. Ora cu Polis a yega nan a topa cu e Pitbull den veranda. A topa tambe cu e persona cu a yama Polis. Ta un ciclista.
Parce mas biaha el a wordo ataka pa e cacho riba caminda publico pasando cu su bicicleta. E biaha aki el a dicidi di yama Polis. Polis a haya ordo di superiornan pa tira e cacho mata. Asina mes e Polisnan cu tin curazon debil pa cacho a atende e asunto na un forma diferente pasobra nan mes stima cacho. Nan a yega den contacto cu e hoben cu tabata den cas. Manera cu el a sali e cacho a bay paden. E damita a papia cu Polis. Polis a splike den detaye riba e peliger cu e cacho ta causa. El a splica cu e cacho ta hopi trankil pero parce ta solamente e persona ey riba e bicicleta e ta ataka cada biaha.
No sa kiko e persona por a haci e cacho cu e tin rabia riba dje. Asina mes a mustre cu pa ley e cacho no mag ta riba caya. E dia ey so mainta a haya mas yamada cu otro hende tambe a wordo ataka pa mesun Pitbull. E Pitbull ta basta jong y falta ainda basta pa Madura. E damita a splica y mustra Polis cu e ta wordo sera den cura patras. Pa un of otro motibo e cacho a scapa via un waya cu tin y yega pafo. Dilanti di cas no tin cura. Finalmente a keda di pasa bek pa papia cu e mama cu ta doño di cas. PitBull ta cachonan masha lief mes . Cuida cas hopi bon. Ora nan ta jong nan ta gusta kibra cos y morde. Kizas esey ta loke e cacho a haci tambe diabierna mainta. E mester espacio pasobra nan tin hopi energia.
E nomber PitBull ta spanta hende pero esun cu tin un PitBull sa bon ki tipo di cacho nan ta y con lief y fiel nan ta. E polisnan a traha hopi professional y atende cu e damita masha nechi pasobra nan tambe ta stima cacho. Nan no kier pa algo malo sosode cu e cacho y pesey a evita di tira e PitBull jong cu un rato a causa panico na Tanki Flip. E asistentie aki a wordo haci hopi professional pa e agentenan cu a bay na e sitio.
