Den e ultimo simannan por a tuma nota cu patruya di polis ta acudi na diferente parti riba nos isla pa asina controla tur trafico pa percura cu tur cos ta ‘in orde’. Ta haci control di entre otro velocidad, documento necesario y cualkier otro rekisito relaciona cu trafico.
Asina tambe e dia a habri c’un control di trafico pa e parti pariba di brug aki na Aruba. Aki patruya di San Nicolas a bay para den vecindario di La Granja, pues un di e camindanan principal pa asina controla tanto trafico cu ta bay pariba y trafico cu ta bay pabou. Durante e controlnan rutinario aki na diferente ocasion a bin haya persona indocumenta of tambe droga den algun auto cu a conduci na detencion.
Diamars mainta e controlnan a continua, mayoria auto tabatin tur papel na ordo. Ta di nota si cu un biaha mas, mayoria di e autonan cu e patruya tabata para tabata esunnan cu stuur n’e otro banda, pues e RHD nan. Por spera mas control asina ki den e dianan binidero.
