Importancia di tur actividad ta pa na final yega hunto pa e celebracion principal, cu lo ta e celebracion religioso na misa, cu lo ta momento pa refleha, trece animo bek den cuerpo policial, ta local David Leer a remarca na actividad di Korpsviering.
Ademas di actividad na Vaderpiet, poco mas atardi a yega Centro di Bario Brazil caminda e siguiente actividad a tuma luga. E biaha aki tabata Mens Erger Je Niet hunga live. Un ambiente sumamente agradabel entre team presente pa asina bringa te final pa gana e wega aki.
Pa e actividad aki a presenta un team di staf y leiding di cuerpo policial pa duna bataya grandi contra demas team. Leer ta satisfecho te awo con tur cos a cana, mirando cu esaki ta su prome biaha como presidente. Ta gradici e sosten grandi cu e ricibi y ta spera cu pa futuro cada korspviering lo bira unicamente miho.
