Diasabra anochi alrededor di 9:45 pm a sosode un accidente na Bloemond lagando henter e bario sin coriente. E accidente a sosode na altura di Bloemond 18. E auto ta marca Mitsubishi modelo Lancer color preto. No ta conoci ainda for di cua banda e Lancer tabata biniendo.
E echo ta cu a perde control y bay dal contra di un palo di luz pa cual a sufri basta daño. E impacto tabata asina fuerte cu a laga basta waya di coriente ta colga riba caminda.
Varios parti di Bloemond, Paradera y Papaya ta sin coriente debi na e accidente aki. E chauffeur mes no a resulta herida.
A notifica personal di Elmar pa atende cu e palo di luz aki. Na sitio a compronde cu e chauffeur lo a kita pa un cacho y perde control y bay dal contra di e palo di luz.