Diabierna anochi polis motorisa tabata basta activo ariba caya pa mantene nos cayanan sigur. Mirando cu awor ta temporada di Carnaval, ta tur fin di siman mester ta extra vigilante pa cu automobilistanan riba caya, specialmente esnan cu ta dicidi di bay stuur nan vehiculo burachi.
Polis a para un chauffeur di un Hyundai color blanco, nr A-40142 na altura di KFC na De la salestraat. A resulta cu e chauffeur tabata bou influencia di alcohol y a detene anto transport’e pa warda di polis.
