Tabata alrededor di 1:30 am ora cu polis a presenta na ex-Umbrella Bar den Playa p’un fiesta clandestino. Ex-Umbrella Bar ta keda ente Gabinete di Gobernador cu Censo. Na yegada di polis a topa cu basta auto den e area y cu musica duro ta bati parti paden. A bati na porta y bisa tur hende pa “bay cas, fiesta a caba.”
Ta trata di un fiesta priva, no ta e bar tabata opera sino grup’i persona cu organisa nan propio fiesta den e edificio. Un total di tres unidad di polis a presenta pa atende cu e fiesta clandestino aki.
Na final, tur cos a cana trankilo, no tabata necesario pa polis haci uzo di forsa bruto. A hasta ofrece e agentenan pastechi cu croquet pa nan hiba warda di polis.
