Un rato pasa alrededor di 10:15pm a sososde un accidente pisa na Camacuri. E accidente aki tabata entre un auto y un brommer. E auto ta marca Hyundai modelo Santa Fe color blanco numera Tx – 239, mientras e brommer ta color cora cu preto.
Con e accidente a tuma exactamente no ta conoci. Liliana Rasmijn, vocero suplente di KPA a confirma cu e accidente aki tabata entre e dos vehiculonan menciona. Ambos tabata bayendo direccion pariba. E accidente a tuma net pariba di Motor World na Camacuri.
Esaki a pasa exactamente unda un accidente fatal a tuma algun luna pasa. Dos unidad di ambulance a presenta na sitio debi cu e motociclista a resulta seriamente herida. Segun informacion, el a ricibi hopi sla na su cabes. A transport’e cu maximo urgencia pa hospital p’e ricibi atencion medico avansa. Amigonan na e sitio a confirma na 24ora cu ta trata di un hoben bou nomber di Kevin.
Specialista di trafico a presenta na sitio pa atende cu e accidente, mientras cu polisnan di Playa a cera ambos band’i caminda p’e departemento concerni haci nan trabou. A notifica slachtofferhulp pa bay hospital p’asina brinda sosten na famia.