Diabierna marduga pa mas o menos 3:00am a pidi asistencia di Polis na Well Well Bar & Restaurant situa na Santa Cruz. Ey a topa cu un homber burachi cu no kier a paga su cuenta na bar y a cuminsa bira agresivo ora a cobre. El a cuminsa tira boter den e bar y insulta e trahadornan.
E homber burachi a hasta bisa otro cliente pa paga su cuenta p’e. No a keda nada otro pa yama Polis, cu a yega y detene e homber pa e calma su mes den cel y corda riba e debe cu el a laga atras na bar.
