Faltando apenas dos shen meter pa yega cas, polis a para un auto marca Honda modelo Civic na altura di Animal Shelter na Primavera. Tabata for di un rato caba cu diferente automobilista a bati alarma p’e dicho Honda coriendo hopi malo riba caminda.
E tabata asina alarmante cu e chauffeur tabata core riba dos taira gekap y dos henter. Polis a duna e chauffeur basta chens pero asina mes a no a logra cu e test di alcohol, el surpasa e limite permiti.
Normalmente, depende di e polis, nan por laga bo bay, mirando cu e tabata falta no mucho pa yega cas. Pero e chauffeur no a conta cu e suerte di haya e tipo di polis cu ta “laga cos pasa.” A deten’e y transport’e pa warda di polis caminda un subfiscal lo dicidi sea riba su libertad of encarcelacion. Tur cos ta indica cu e lo pasa e proximo oranan tras di tralie. E caso aki a sosode algun minuut prome cu 2:00 am.
