E miembronan di comunidad Peruano a uni pa celebra diadomingo e di 202 aña di independencia di Peru..
E celebracion e biaha aki tabata den forma di caravana cu autonan dorna cu bandera di Peru.
E caravana tabata bou guia di dos miembro di e team organisado, esta Nelly Ostos y Julian Yucra.
E caravana di auto a sali for di La Granja na Savaneta y a pasa rond Aruba pa demostra na pueblo en general e orguyo cu nan ta sinti di nan pais, aunke cu nan ta biba leu.
Pero tambe como un forma di gradicimento ma henter Aruba, principalmente Cuerpo Policial cu a yuda nan cu e permisonan necesario.
Julian Yucra, un di e organisadonan, a expresa satisfaccion y esaki ta di dies bes (aña) cu ta organisa e caravana.
A sali for di Savaneta, y sigui pa Balashi, rotonde Santa Cruz, Tanki Leendert, Tanki Flip, Noord, Frans Figaroa, Palm Beach, Paseo Herencia, direccion hotelnan, pasa riba Blovd te na Bushiri, sigui pa rotonde di Cas di Cultura, rotonde Sero Blanco pa finalisa na Servicio Postal.
Nada cada parada riba e ruta tin un premio y na final, na Postkantoor.
Tin entrega di premionan cu un celebracion mas grandi.
Ta invita henter e comunidad Peruano pa topa y uni cu e caravana.
