Diahuebs pa mas of menos 6:00PM polis di bario di San Nicolas a mira un Chevrolet preto pariba di Julios Sport Bar cu number di plachi di 2014. E auto aki ta para den e tereno habri pa añanan y ta birando un molester p’e habitantenan.
Na yegada di polis no tabatin ningun persona den area y no sa di ken esaki ta. Tambe a ripara cu den e baki tabatin stoel, reki di paña y hopi mas. Di biaha nan a yama pa un takelwagen pa asina por bay cu e pickup aki y por haci mas investigacion.
