Diahuebs anochi a tuma luga apertura di e torneo di poker organisa door di The Casino na Hilton. Jeannot Lacle, Manager di e casino, a expresa satisfaccion pa e reaccion di e torneo.
Diahuebs anochi tabatin un evento di aprecio pa e hungadonan cu a haci tur nan esfuerso pa den corto tempo biaha pa Aruba y participa den e torneo aki. “E reaccion tabata positivo y no a spera di haya asina hopi hungado e aña’ki. E tabata un exito.”
E torneo ta tuma luga bou di un branding nobo cu ta The Caribbean Poker Series. P’esey a spera cu e hendenan lo no acudi, sinembargo e reaccion tabata positivo. Henter e ambiente rond di e evento mes, a haci’e mas atractivo pa e participantenan.
Otro aña e lo t’ey atrobe pero cu mas slot den Caribe, manera na Corsou, Sint Maarten y otro islanan. Esey lo ta den luna di december.
