Relaciona cu e situacion di incinerator na Parkietenbos, riba rednan social por a tuma nota cu tabata tin informacion ta bay rond cu e incinerator no ta den funcion. Den cuadro di esaki, diahuebs mainta Dienst Openbare Werken Aruba (DOW) a tene un conferencia di prensa pa trece algun informacion riba esaki.
Ir. Marlon Croes, Director di DOW a informa cu desde 8 di september e incinerator a haya un ‘breakdown’, dus el a stop di funciona. Mesora a cuminsa haci un analisis di esaki riba 12 di september. A constata cu e ‘primary chamber’ di e incinerator ta den hopi mal estado, den luz di esey a cuminsa haci trabao mesora pa mira kico ta e miho manera pa por pone incenirator draai bek den tempo poco mas cortico.
Pa motibo cu cada dia cu keda sin opera, ta haya acumulacion di entre otro desperdicio medico, y di slip cu e rioolwaterzuivering instalatie ta produci. Ainda ta traha riba e solucion y ta spera cu den maximalmente 4 siman, e lo ta den funcion bek.
Lesa mas den TREMPAN.
