Un motociclista a bay purba su suerte pa core pa polis na momento cu esaki a dun’e señal pa para. A cuminsa un persecucion den area di Playa cu a bay caba riba caminda di Santa Helenastraat.
Den careda di 12:00 am pasa, polis a duna un motociclista ordo pa para pero pa un motibo of otro e persona aki a pensa cu si e core pa polis esaki lo tabata miho p’e. Como cu e no tabatin ningun documentacion ni plachi number riba e brommer, e lo a opta pa core y purba huy pa polis.
Diferente unidad a presenta pa uni den e accion di persecucion y asina logra para e brommer na haltura di Xavier University. El a bay plat cu brommer cu tur.
A deten’e y un rato despues e transporte policial a presenta pa hib’e un warda di polis.
