Un chauffeur coriendo basta duro a accidente riba e caminda di Kudawecha. Tabata pasa di 4or cu a drenta informacion di un accidente riba e caminda di Sabana Liber pa Kudawecha. E chauffeur cu e pickup tabata biniendo for di Calabas. El a perde control cu velocidad basta halto. El a bolter cu e auto y dal den poco baranca cu kadushi canto di caminda.
Tambe a ranca meter di awa y basta awa a bay riba caminda. Forensys a yega y a pidi pa Polis pasobra e auto ta sin documento. Polis di Noord y di Trafico a presenta. E chauffeur tabata herida levemente y a ser atendi na e sitio mes pa paramediconan. Personaldi WEB a presenta pa atende cu e meter di awa. Takelwagen tambe tabata necesario pa hala e pickup.
