Diaranson marduga alrededor di 12:40 am a sosode un accidente riba Avenida Nelson Orlando Oduber. Ta despues di rotonde Super Food direccion Palm Beach.
Aki ta caminda cu un auto marca Toyota modelo Yaris color blaco biniendo tur cu tin a perde control, bolter y cay riba su cuater tairanan. Un pareha turista den un V-wagen a mira tur cos. Na sitio a conta reportero di 24ora.com y TREMPAN cu; a mira e auto bolter algun biaha y a mira candela parti patras di e auto.
E daño tabata considerabel, tabatin un taira cu a sali den pleno accidente. E taira a bay para por lo menos dies meter leu di unda e auto a keda na final. E auto practicamente no ta sirbi mas. E dama chauffeur tabata su so den auto. Aunke cu e impacto tabata fuerte, el a ricibi algun rasca so na curpa.
Manera e turistanan a conta: “It’s a miracle that she’s alive.” Ambulance a brinda e chauffeur atencion medico na sitio mientras polis tabata documenta e accidente aki.
