Ayera a inicia trabounan na crusada di Palm Beach, caminda lo construi un rotonde. Despues cu e luznan di trafico a stop di funciona, a convertie den un crusada. Prome cu a pone drempel, tabata sosode por lo menos tres pa cuater accidente diariamente, cu entre otro persona cu ta resulta herida.
Despues cu a pone drempel, a nota un reduccion grandi pa cu accidente. Toch trafico tabata pega formalmente. Desde cu a cuminsa cu e construccion di e rotonde, a nota un efecto cu no a mira e ultimo tempo tras di lomba. For di momento cu a cuminsa cu ceramento di caminda, a nota cu trafico a coy un rumbo mucho mas fluho den oranan di mas druk di dia, esta atardi.
For di e via principal di Avenida Nelson Orlando Oduber, trafico no ta pega mes. Si bay direccion pariba, pues direccion CITGO Palm Beach, si e trafico ta pega na e drempel cu gobierno a construi. Riba e drempel mes tin basta critica. Varios automobilista a comenta cu e ta mucho halto traha y ta haci daño na nan auto.
Berdad a nota cu e drempel a causa daña na e autonan mas abou, compara cu un SUV. Na final ta spera cu pueblo custuma cu e cambionan pa cu e ruta, manera anuncia caba pa DOW y cu e trafico sigui cu e fluho menos druk, compara cu antes.
