Dialuna algo pasa di 12:00 PM un accident a tuma luga entre un scooter y patruya di K-9 na momento cu e patruya a cera e scooter riba caminda di Sabana Blanco.
E motociclista a informa na sitio cu el a bay chines cumpra algo, baha y pone su helm den e scooter, caminda pa cas a lubida di bisti e helm bek. Mirando cu su cas ta algun meter leu di e chines e no a pensa mucho riba e detaye aki.
El a mira e auto di K-9 ta bin riba dje, pero no a pensa cu lo a tira e auto riba dje. El a sigui core direccion su cas na Sabana Blanco, net e ta bay bira na su banda rechts, e patruya di K-9 a tira riba dje un biaha mas cu consecuencia cu daño material. E partuya a ricibi un rasca minimo. Pero mientrastanto e agente no a duna motibo di su maniobra te ora el a baha na sitio.
Polis di playa a presenta na e sitio como tambe polis di trafico pa tuma datos di e sucedido. Polis a bisa nan a duna e motociclista señal pa para pero e chauffeur di su banda ta indica cu no tabata sigur di e intencion di e polis mirando cu ta manda el a manda vehiculo riba dje.
Na sitio e control di documento a tuma luga. Papelnan di seguro no tabata na ordo pa motibo di cambio di chasis cu tabata motibo cu a confisca e scooter. Forensys na sitio a tuma declaracion di ambos partido den e accidente y despues tur hende a bandona sitio. No tabata tin detencion.
