Garage Centraal tin un campaña cu tin varios luna andando y esaki ta e culminacion. For di juli te cu awo, tabata tin un UTV cu tabata dunando entre esnan cu a cumpra durante e lunanan ey. Esaki ta e di 7 UTV cu ta entregando.
Manera cu a yega di menciona den pasado, tur esnan cu a cumpra un auto nobo of segunda mano ta hinca den e tombola.
Rodney Kock, marketing manager na Garage Centraal a splica cu ta gradicido pa e confiansa duna di parti di e clientenan, cual ta aprecia masha hopi mes.
Un cantidad di persona a sa di participa den e campaña aki y e ganado a keda den persona di Pastor Rafael Castro Rivero, kende a cumpra un Hyundai Creta na Garage Centraal y certifica pa notario Yarzagaray.
Keda pendiente pasobra den e proximo dianan Garage Centraal ta biniendo cu anuncio den e proximo dianan pa sigui encurasha tur esnan cu ta busca un auto nobo.
