E casonan di Covid-19 ta kedando abou riba nos isla pero esey no ta nifica cu e menasa di Covid-19 a pasa. Aruba mester mantene precaucion y un establecimento cu ta haci esaki ta W-Aviation. E boluntarionan di Freewinds a percura pa e terminal di aviacion general na Aeropuerto Internacional Reina Beatrix a haya e hermentnan necesario pa haci un miho trabou.
Recientemente a presenta W-Aviation un D7 Kit cu ta encera tur e herment y e material necesario pa desinfecta cu e agente mas efectivo pa mata bacteria y virus riba mercado, Decon 7 of D7, capas di mata 99.9999% di tur virus y bacteria. Arma cu e ekipo corecto, e terminal awor tin un habilidad mas halto pa proteha contra e ingreso di Covid-19 di pafo di nos pais.
W-Aviation a conoce D7 despues cu nan facilidad a wordo desinfecta pa e boluntarionan di Freewinds. Nan a reconoce e diferencia ora ta desinfecta riba base regular pa preveni corona virus di plama. Operations Manager, Lorena Fuentes, tawata hopi exita pa haya un D7 kit pa su facilidad. El a comenta: ”Hopi danki. Danki pa pensa riba nos. E material aki ta necesario pa e siguridad di e pasaheronan cu ta drenta y pa nos staf tambe. Awor proteccion por cuminsa riba e rampa caminda pasaheronan ta drenta.”
E boluntarionan di Freewinds lo sigui cu nan accionan preventivo mientras cu nan ta opera bou di e dicho di L.R. Hubbard cu “un ons di prevencion ta bal un ton di cura”. Y awor cu mas organisacion ta uni nan mes na e bataya, lo ta mas facil pa mantene Aruba como un di e luganan mas sigur na mundo.
Pa asistencia di e Ministerio di Boluntario di Freewinds pa desinfecta bo luga of pa ricibi un seminario di prevencion of un training con pa desinfecta bo luga di trabou of bo cas, por favor contact [email protected] of na signal +1-727-8104 of na cel +297 747-1613.
Pa haya informacion con bo por proteha bo mes y otronan, con bo por mantene bo cas y bo luga di trabou sigur, bishita e How to Stay Well Resource Center online na www.scientology.org/staywel na undo bo ta mira tur e pamfletanan y video y por download nan gratis. Tur material ta obtenibel na Spaño, Hulandes y Ingles y den 18 idioma mas.
