Parlamentarionan di Fraccion di MEP, esta Setty Yarzagaray-Christiaans y Rocco Tjon a bishita “Cuerpo Especial Arubano”. E bishita aki tawata den cuadro di preparacion pa trata presupuesto. Manera ta conoci, MEP, for di den Parlamento kier hiba un politica proactivo y pa haci’e posibel pa controla Gobierno manera debe ser, mester sa kico e preocupacionnan ta di cada departamento en cuestion. Durante e bishita a elabora riba e retonan cu CEA ta enfrenta. Falta di personal, e reorganisacion actual y e absentismo halto ta e retonan mas grandi.
E reorganisacion actual ta trece cune un structura nobo di “opleiding” cu ta busca asercamiento qua nivel cerca “opleidingen” di Cuerpo Policial y e Instituto Coreccional. Esaki no solamente lo eleva e calidad di e organisacion pero alavez lo brinda cada trahado un miho perspectiva di carera.
Por ultimo alto mando di CEA a enfatisa cu lo kier explora e posibilidad pa innova atravez di tecnologia, pa brinda miho servicio na clientenan. Esaki entre otro atravez di e lasonan existente cu “Dienst Justitiele Inrichtingen” na Hulanda.
