Diabierna ultimo, Parlamento a trata presupuesto 2022 di cartera di Minister di Asuntonan Economico, Comunicacion y Desaroyo Sostenibel. Durante su desertacion, Parlamentario Alvin Molina a pone enfasis riba e districto di San Nicolas di antes y awo, unda el a subraya cu nos mester bay bek n’e tempo cu economia di San Nicolas tabata ‘blooming’; cayanan tabata yen di hende trahando, practicando deporte, disfrutando di tur loke cu San Nicolas ta ofrece.
San Nicolas mester desaroya varios area manera; infrastructura, economia, deporte, social, cultura, turismo, ensenañsa, agricultura y industria. Molina a añadi, door cu ta trata di un topico geografico, cu ta necesario pa tur minister ta envolvi. Manteniendo identidad di un ‘melting pot’ di cultura ‘urban’ unda nos como Arubiano y nos bishitantenan por experencia e ‘local feel’ di Aruba. San Nicolas tin hopi oportunidad pa crece y desaroya pero e unico manera cu nos por logra esaki ta den union.
Alvin Molina a sigui bisa cu desaroyo di un ciudad/districto ta algo hopi compleho. Si di berdad nos kier desaroya e districto San Nicolas na un manera exitoso, sostenibel y manera cu e habitantenan di San Nicolas mes ta desea, nos mester hacie na un manera integral unda tur Ministerio, departamento y ‘stakeholders’ ta envolvi, nos mester busca ayudo di un profesional cu e tin conocemento y experencia cu por haci e trabou aki hunto cu nos hendenan den comunidad.
Concluyendo Molina a presenta e siguiente mocion n’e mandatario; ‘ De regering aan te dringen om op korte termijn een professionele economie developer/community designer een uitgebreid en gedetailleerd advies uit te laten brengen aangaande de ontwikkeling van het district San Nicolas. Deze community designer dient een persoon/bedrijf te zijn met aantoonbare kennis, ervaring en referenties op dit gebied om zo het succes van de ontwikkelingen te kunnen garanderen en waarborgen. Het plan dient te worden gemaakt in samenspraak met lokale specialisten/ professionals’.
