Papa Francisco a sostene diaranson cu e placer sexual ta “un don di Dios” cu actualmente ta mira “debilita p’e pornografia”, durante su catekesis den e audiencia general, den cual el a avisa cu “e berdadero amor no ta posee.”
“Den e cristianismo no ta condena e instinto sexual, no. Un buki di e Bijbel, e ‘Cantar de los Cantares’, ta un maraviyoso poema di amor entre dos pareha. Sinembargo, e dimension sexual bunita aki no ta exenta di peliger”, el a bisa, repasando e picanan capital.
E pontifice a splica cu e fielnan congrega den e Aula Pablo VI cu”si no ta contamina p’e bicio, e namoramento ta un di e sentimentonan mas puro.” “Un persona namora ta bira generoso, disfruta regalando, skirbi carta y poema. Ta stop di pensa den su mes pa proyecta completamente pa e otro”, el a bisa.
Sinembargo, el a adverti, cu e “hardin di maraviya” aki no ta “a salvo di e malo y por ta contamina p’e ‘demoño di codicia (deseo)’”, un bicio “particularmente odioso.”
Na prome luga pasobra “ta daña e relacionnan entre e personanan” tal y manera ta mustra e noticianan cotidiano: “Cuanto relacion a cuminsa di e miho manera a bira despues den relacion toxico, di posesion di e otro, falta di respet?”, el a cuestiona.
“Ta amor cu falta di puresa: un virtud cu no mester confundi cu e abstinencia sexual sino cu e boluntad di no posee nunca e otro. Stima ta respeta e otro, busca su felicidad, cultiva e empatia pa su sentimentonan”, el a bisa.
Francisco a adverti cu e codicia, a cambio, “ta burla di tur esaki, podera, horta, consumi lihe” y husga “laf” tur cortejo. Pero, na su opinion, tin un di dos rason pa cual huy di e “peligroso” pica di codicia y cu a afecta e sexualidad.
E sexo, el a bisa, “ta implica tur sentido, habita tanto den e curpa como den e psyche”, pero “si no ta disciplina cu pasenshi, si no ta forma den un relacion y un historia den cual e dos individuo ta tranform’e den un danza amoroso, ta bira den un cadena cu ta priva hende di libertad.”
“E placer sexual, cu ta un don di Dios, ta mira debilita p’e pornografia: satisfaccion sin relacion cu por genera forma di adiccion. Nos mester defende e amor, e amor di curason, di mente, di curpa, amor puro ora di duna di un p’e otro, y esey ta e beyesa di e acto sexual”, el a bisa.
Asina mes, el a anima na combati codicia y e “cosificacion” (pueblo a perde su caracter humano pa drenta den e proceso pa bira den materia riba cual e gobernante ta eherce su arte politico) di e personanan, el a subraya cu “ta importante” pa preserva “e beyesa cu ta haci nos kere cu construi hunto un historia ta miho cu tira n’e aventura. Cultiva e ternura ta miho cu doblega dilanti e demoño di posesion, e berdadero amor no ta posee, ta duna, sirbi ta miho cu conkista. Pasobra si no tin amor, e bida ta soledad tristo”, el a termina bisando.
Fuente: Papa Francisco durante audiencia general di diaranson. EFE/EPA/ETTORE FERRARI
