Na Centro di Bario y Deporte Dakota tabatin actividad pa grandi y chikito. Pa henter siman tin diferente actividad, unda cu tabatin wega entre veterano y hoben.
Alexis Sierra a splica cu awe a cuminsa c’un actividad y esaki ta bay pa henter siman. A cuminsa cu actividad di Dia di Rey hunto cu Centro di Bario y Deporte Dakota. E evento a cuminsa pa 5:00 pm cu actividad pa mucha. Tabatin dino jump, wega di domino. Tambe tabatin wega entre Veterano 35+ y 40+ contra e hobennan di diesshete y binti aña.
Sierra a invita henter pueblo di Dakota y bisindario, y henter Aruba, pa yega y disfruta dje actividad. E fin di siman binidero, dia 30 di april y prome di mei, nan tin un torneo pa U-11. Esaki ta un fundraising p’asina SV Dakota por cuminsa prepara p’e campeonato nobo.
Diabierna pa 6:30 pm ta cuminsa c’un apertura, mientras diasabra nan ta cuminsa pa 5:00 pm y e final ta diadomingo mainta 8:30. Despues di e weganan di mucha U-11, ta bay tin clash di kickball. Tin diferente team confirma y esaki ta bay te cu 11:00 pm.
Pa mas lesa TREMPAN.COM.
