UCIMED ta conmemora 45 aña di historia, na man di Dr. José Sprok, un Rubiano, decano di e carera di Medicina.
Te cu awor, 59 dokter di Aruba y Corsou a forma y a gradua di Ucimed. Actualmente tin 36 studiante den formacion.
E Universidad de Ciencias Médicas, UCIMED, a lidera e formacion di e profesionalnan den salud na Costa Rica, riba nivel priva, durante e ultimo 45 añanan y awor, den e marco di su aniversario, a dicidi di amplia e oferta academico internacional cu e apoyo di e Grupo Galileo Global Education, cu kende a firma un aliansa na december 2022.
Den e caso di Aruba y Corsou, for di varios añanan caba e futuro profesionalnan a scoge e pais Centroamericano, ehempel di esaki, ta Dr. José Sprok, kende ademas di a gradua na UCIMED, actualmente ta e decano di e carera di Medicina.
Varios factornan ta haci cu awendia e futuro profesionalnan ta demanda un formacion mas integral, cu un vision global cu ta prepara e profesionalnan pa responde riba e necesidadnan di salud di e poblacion mundial.
Esey Universidad de Ciencias Médicas, UCIMED, a comprende, y, e ta prepara pa ofrece su oferta academico, cu e rekerisitonan di e mercado laboral internacional. E universidad ta ofrece actualmente e careranan di: Medicina, Apotheek, Nutricion, Microbiologia y Fisioterapia, ademas di e specialidad nan pa dokternan local den Ginecologia y Obstetricia, Medicina Familiar y Comunitaria y Pediatria. Di otro banda tambe tin e Instituto de Ciencias de la Salud, INCISA, cual ta ofrece careranan tecnico. Ademas tin e master den Hospital Management.
E Grupo Galileo Global Education, ta e mas grandi di Europa, den educacion superior priva, cu mas di 200.000 studiantenan y 100 campus den henter mundo, mientras cu UCIMED ta e universidad lider den formacion di e profesionalnan den ciencia di salud di region.
Durante e aña aki, UCIMED ta prepara su mes pa incurciona den un mercado mas competitivo, pero cu ta representa un oportunidad y crecemento y di expansion pa UCIMED.
E aliansa aki lo haci e intercambio academico mas grandi cu otro institucionnan importante na henter mundo, tambe den innovacion y implementacion di productonan tecnologico y plataformanan educativo.
“E reto aworaki ta den forma profesionalnan cu un vision global, pasobra nos kier prepara nan, no unicamente pa e necesidadnan di e poblacion den region, sino tambe, pa atende e rekisitonan di e mercado mundial. Tin problemanan di salud den otro paisnan den mundo y e obhetivo ta cu esunnan gradua di nos universidad queda capacita y bon prepara pa atende e necesidadnan aki y, cu esey, nan por amplia nan vision y desaroya nan mes pa traha como profesionalnan rond mundo”, Dr. Sprok a remarca.
Hunto cu e acuerdo di e aliansa, nos universidad ta celebra su aniversario, recordando algun di e logronan cu a marca historia den materia di salud i educacion, na Costa Rica:
Prome universidad priva den ciencia de la salud, di e pais.
Prome universidad den firma convenio cu Caja Costarriscense de Seguro Social pa formacion di specialistanan den campo medico.
Prome universidad di Centroamerica y Caribe, den obtene e acreditacion internacional (WFME) pa su facultad di Medicina.
E unico universidad cu un comision etico cientifico i un institucion di investigacion.
E unico universidad priva den forma microbiologonan.
Prome universidad priva, den su campo, cu tin e 100% di su careranan acreditada pa SINAES.
E unico universidad priva cu ta haya fondonan di gobierno pa investigacion. E area di investigacion academico, a realisa mas di 56 investigacion comproba, for di aña 2000.
