Frans Ponson, miembro di Comerciantenan Uni, ta lamenta y ta haya sumamente lamentabel di tende un minister di finansas bin dilanti e siman cu a pasa y bin bisa cu el a scucha di e gremionan.
Ponson a remarca cu e ta reta e minister di finansas, sali bin dilanti den cualkier medio. A invita tur gremio pa bay Stakeholders meeting. ATA, ATIA, KvK, Comerciantenan Uni, no a tende ningun hende den e stakeholders meeting, for di ningun gremio, cu a pidi pa esaki.
Tur a pidi pa lag’e afo. Ponson ta sigur cu e minister no por bin bisa cu “hunto” pasobra ningun gremio ta di acuerdo cu esey.
No tin ningun comerciante na Aruba cu a bisa cu kier a haci esaki. Ta pa e motibo ey mes nan kier pa e minister bin dilanti.
Problemanan cu esaki por ocasiona
Nos tur sa na Aruba, el a bisa, cu nos turismo ta 80% di Merca y Canada. Na Aruba nos tin frankisianan y frankisianan ta loke ta paga un comision di benta. Awo cu esaki den dje, mester paga mas.
Frankisianan ta propone bao di New pricing policy na Aruba y e aumento ey ta bay di 8 te na 15% cu un averahe di 8. Door cu tin cu paga comision riba e tax, nan ta propone e comerciantenan na Aruba y no ta un, pa subi prijs mas, pasobra nan tambe lo cobra mas. Awo ta cuestiona si gobierno tin e pueblo na pecho. Pasobra pa capricho di dos hende den e gobierno aki, no ta importa, ta e pueblo lo ta castiga cu prijs, den e temporada di fiesta, awo cu nos ta drentando y awo prijsnan lo subi hopi mas drasticamente.
Ponson a duna un ehempel. Si cualkier compania bendebo 100 florin y ta duna 10% di descuento, e ta bay duna 10% riba 6.38.
Tin un monton di factor cu e pueblo ta bay sali malo den e situacion aki.
Loke cu ta haciendo cu e gobierno aki, ta loke cu Corsou a implementa. E resulted ta mas cu 22% di desempleo y ta bay subi pa fin di e aña aki. “Nan a haya dos KB y net esey nos ta bay copia? E ta asina irealistico cu ta bay copia esun cu ta bayendo mas malo cu nunca.”
Pa e comerciantenan e ta cla, cu gobierno no tin e pueblo aki na pecho, pasobra ningun prijs lo cambia den comercio, si djis lage afo. Tur cos ta keda mesun cos. Pero hincando esaki aden pa capricho pa un of dos hende den gobierno, henter e pueblo ta bay haya un aumento den prijs durante temporada di fiesta, segun Ponson.
