Awe nos tabata na Oxilago Aruba, cual ta un compania cu a wordo incorpora na Aruba na 2017. Oxilago a tuma over loke tabata BOC Gas, cu tabata un distribuidor di Lindegas. A tuma over e compania, cual ta un compania cu tabata tin mas di 60 aña na Aruba. Awe kier introduci un producto nobo na Aruba, cual ta un Fire Extinguisher ball. E ta un producto cu ta activa su mes ora e haya candela.
E Fire Extinguisher Ball ta bin pa reemplasa un Fire Extinguisher, vooral ora cu no tin ningun hende na cas, den un edificio of unda cu tin peliger di candela. Cu solamente un Fireball, bo por scapa bo edificio, bo por scapa bida. Na momento cu e detecta candela, cu yega na 70 grado Celsius, esaki, den menos di 5 seconde ta activa.
Segun Ryan de Mei di Oxilago, no solamente e ta paga e candela, pero tambe e ta un tipo di alarma, door cu e ta saca un zonido di mas of menos 120 decibel. Cu esey mes por spierta of alerta un hende cu tin un candela of el a activa, cu sigur bo por bandona e sitio, bo por lanta for di soño. Ademas, si acaso, na momento cu tin un candela, bo por tir’e den e candela y den fraccion di seconde, e por paga e candela.
Sigur e ta algo hopi practico. No mester di mantencion, cual ta hopi importante. Un biaha mas, den algun seconde e por scapa bida di hopi hende.
Fuera di esey Oxilago ta promocionando nan brandblussernan pa tanto vivienda, negoshi, etc. Segun Andre Rasmijn, nan ta bende tanto brandblusser como tambe haci service.
Nan tin un promocion cu nan ta bishitando tur negoshi pa ofrece nan servicio.
Awor aki nan tin un prijs special pa service, cual ta 25 florin pa tur tipo y size di e fire extinguishernan.
Pa negoshinan grandi cu cantidadanan grandi pa service, nan tin un miho prijs, segun Rasmijn. Nan ta bay na e negoshi y duna e servicio y por busk’e y hib’e na tienda y esey ta inclui den e 25 florin.
Ta trata aki di e boternan ABC, cual ta mas comun tur caminda. ABC ta pa sushi, pa flamable liquid y coriente. Tin un otro tipo cu ta tipo pa cushina. Tambe nan tin e sistema di foam, cual ta pa e tipo A y B so. Tambe nan tin CO2, cual ta mas tanto B y C so. Ta uzanan hopi biaha pa oficina y ta kita e oxigeno unda cu e candela ta y esey ta e meta di esey mas tanto.
Un invitacion ta bay pa un y tur, tur cliente pa bishita nan tienda na Balashi, net dilanti di WEb pa bin mira nan surtido di Fire Extinguisher y duna informacion riba nan servicio y e prijsnan special pa negoshinan grandi.
