Otro taxi pirata deteni: Control den trafico den area di Playa

5169

Awe mainta ( den careda di 8:00AM) a lanta cu accion y control di trafico den area di Playa riba diferente infraccion. Entre nan e fenomeno di taxi pirata caminda polis ta man duro pa pone un stop riba dje.

Den Caya Ernesto Petronia, den e parkinglot dilanti Misa di Playa tabata tin varios departamento incluyendo polis den un accion di control. A controla pa rijbewijs, number di auto, permiso di transporte y demas. 

Durante control a para un vehiculo y na momento di contola e number di esaki no tabata cuadra cu e auto, un rato despues a detene e manehador bou sospecho di ta brinda servicio como taxi pirata. A confisca e vehiculo y transporta e sospechoso pa warda.
Mientrastanto control a sigui y no mucho despues a bolbe confisca un otro vehiculo cu tampoco tabata cumpli cu reglamentacion. A pidi mas transporte pa asina kita e vehiculo aki tambe for di careteranan di nos isla.