Ta pinta cu pa 2022, un aerolinea nobo lo cuminsa ofrece su servicionan pa diferente destino den Latinoamerica, Caribe y Merca. Ta trata di Viva Air, un compania tipo ultra low cost carrier of ULLC mescos cu Frontier y Spirit, entre otro. E compania ta di origen Colombiano y lo bin pa complementa e oferta cu tin actualmente consistiendo di Avianca y Wingo.
E informacion a bin na atencion di nos redaccion durante e programa CNN Dinero, transmiti a traves di CNN En Español awe tardi. Un di e entrevistanan tabata cu e director general di e aerolinea Viva Air, Felix Antelo. Antelo tabata invita pa papia tocante e industria aereo y su recuperacion den 2021.
Den transcurso di e entrevista, e presentador di e programa a menciona cu, entre e plannan pa 2022, e aerolinea tin expansion di su mercado. Entre e destinonan nobo cu Viva Air ta bay añadi, a menciona Republica Dominicana, Puerto Rico y tambe nos isla, Aruba. Pa e relato completo, lesa e edicion di TREMPAN di dialuna.
