Cu hopi entusiasmo Minister Geoffrey Wever, encarga cu Revitalisacion di Oranjestad, a duna di conoce cu pronto lo cuminsa cu e proceso pa prome obtene e titulo “Capital Culinario” (“Culinary Capital”) otorga bou di e programa internacional “World Food Travel Association” (WFTA) y despues como “Cuidad di Gastronomia” (“City of Gastronomy”) bow di e programa internacional Unesco City of Gastronomy. Un titulo cu siguramente lo pone Aruba riba mapa internacional y atrae un clientela nobo y exclusivo pa centro di Oranjestad. Un ehercicio cu mester duna nos inversionistanan mas oportunidad comercial y haci Oranjestad un atraccion nobo pa nos localnan y turistanan.
Kico en realidad ta un capital culinario y con esaki ta crea oportunidad nan nobo? E Asocacion Mundial di Biahe y Gastronomia (“WFTA” na Ingles), cu ta e autoridad principal mundial den e materia di turismo gastronomico, a diseña e programa nobo aki, lansa na 2021, pa yuda regenera e interes pa destinacion nan cu no ta mucho conoci pa nan producto nan y experiencia nan gastronomico di calidad y autentico.
Despues di e pandemia destinacion nan mundial y tur empresa kier innova y prepara pa e economia despues di COVID. Bisando esaki, Minister Wever, ta kere cu como Gobierno di Aruba, nos tambe mester inova y adapt na e economia mundial despues di COVID. Gobierno su participacion ta esencial si kier logra e revitalisacion di nos centro di cuidad y aplicando pa e status di “Capital Culinario” ta un acion necesario pa logra inova y crea un producto Aruba eleva. Aruba como destinacion ta uno di e dos Pais nan cu mas rapido a recupera. Sinembargo, nos centro di cuidad ainda no a logra capitalisa ariba e fruto nan di Aruba su exito como un destinacion turistico.
E proceso pa yega n’e titulo “Capital Culinario” ta mara na cuatro criterio esencial. Esaki nan ta; cultura culinario, strategia culinario, promocion culinario y comunidad culinario. E criterianan necesario pa por determina si e destino tin lo necesario pa converti su mes den un Capital Culinario. WFTA, ta ofrece e destino nan acredita un serie di beneficio cu ta inclui un aña completo di actividad nan di strategia y marketing.
Destinacion nan culinario mas conoci manera San Francisco, Hong Kong y Paris a beneficia di un reconomcimento similar y WFTA kier logra e mesun exito aki p’e paisnan menos conoci pa nan autenticidad culinario. Pais chikito manera Aruba y muy en especial nos centro di cuidad Oranjestad, mester di tur e bentaha nan cu e titulo di “Culinary Capital” ta ofrece. Ta exsiti un pool di consumidor di producto turistico cu specificamente ta biaha n’e destinacionnan cu ta ofrece e experiencia gastronomico local y unico y t’e consumidornan aki Minister Geoffrey Wever, kier atrea pa nos centro di cuidad.
Durante e luna nan nos dilanti lo cuminsa cu e proceso aki y Gobierno di Aruba lo haci su maximo esfuerso pa logra e acreditacion como e proximo Capital Culinario di Caribe.
