Faltando dos dia pa aña termina y manera un bon Arubiano e tradicion mester keda, di cual ta dande y klapchi. Na Jumbo Fireworks cu ta situa na ex-Bushiri Hotel tin surtido di klapchi cu e miho prijsnan.
Na Jumbo Fireworks por haya surtido di klapchi. Aña pasa dia 31 di december nan no a keda cu nada y esey ta significa cu eynan ta cumpra klapchi fresco. Ta trata di klapchi cu a yega dos pa tres luna pasa ora e cargamento a yega y tabata hiba na Wela.
Jumbo Fireworks ta un container di 40 pia y e klapchinan ta stiwa nechi. Ta haya cantidad di caha, entre otro klapchi di vuurpijl, cos pa mucha tira na cantidad. Nan ta habri di mainta te ora di anochi. Tin klapchi pa mucha, pa haci show na cas. E klapchinan ta fresco.
Donovan Ashby a indica cu nan tin surtido di klapchi pa henter famia, di chikito te grandi. Por haci e cambio di aña tremendo. Incluso tin flowerbed di mas chikito te grandi y asina ey hasta e bisiñanan por mira e shownan di klapchi. El a splica cuanto tempo cada flowerbed ta dura y e ta depende dje tamaño. E chikito por dura algun seconde, mientras e mas grandinan por bay hasta pa algun minuut.
E pagaranan ta bayendo manera pan cayente. Si bo ta core rond di Aruba pa check prijs y na momento di yega cerca nan, tin chens cu no tin pagara mas.
Aña pasa nan no a resta ningun klapchi y awo nan tin un cargamento fresco. Loke ta mas importante ta cu tur klapchi ta traha e aña aki. Pa mucha nan tin tur cos safe y tambe nan ta duna splicacion kico mester haci. Pa nan ta importante e siguridad dje muchanan. Ashby ta invita comunidad di Aruba pa pasa cerca nan y busca bo klapchi. Nan ta habri te cu 9:00 pm tur anochi.
